Ka disa ditë që platforma dixhitale “Tring” ka anonçuar spotin e ri promovues për shërbimin e ri “My Tring IPTV”. Në këtë spot shfaqet moderatorja e ëmbël e programit të pasdites “Vizioni i Pasdites” në ekranin e “Vizion Plus”, Anila Çela.
Në spot ajo shfaqet e ëmbël si gjithmonë. Në më shumë se pesë minuta promo Anila bën për vetë një publik që e adhuron. Ajo çfarë bie në sy në fakt në promot që “Tring” po shfaq muajt e fundit janë imazhe të ndryshme për të promovuar shërbimet e reja inovative të kësaj platforme. Përzgjedhja e Anilës siç duket ka qenë një veprim i zgjuar dhe i menduar mirë. Padyshim nuk do të ishte aspak keq që të ishte edhe imazh i përhershëm i kompanisë, edhe me promo të reja në vazhdim.
Anila Çela është prej vitesh në ekranin e “Vizion Plus”, si fillim në programin “Konak” si një korespondente e thjeshtë, për të kaluar më vonë në numrin një të këtij programi. Më vonë ajo është shfaqur edhe në programet e tjera të paradites, “Mëngjes Express” dhe “Dita Ime”. Tashmë prej katër sezonesh kemi mundësi ta ndjekim suksesshëm çdo pasdite me programin “Vizioni i Pasdites” në “Vizion Plus”.
IMA / S. Dema
