Squid Game, seriali i cili pushtoi audiencën globale në debutimin e tij në Netflix në shtator 2021, duke u bërë seria më e shikuar ndonjëherë në platformë në një gjuhë jo angleze, do të rikthehet me episodet e shumëpritura të sezonit të dytë në vitin 2024. Konfirmimi erdhi nga vetë Netflix, sipas të dhënave të publikuara nga Deadline, në një letër drejtuar investitorëve.
Gjithashtu, në të njëjtën letër, është konfirmuar se sezoni i dytë i serialeve The Diplomat dhe Empress do të debutojnë gjithashtu në 2024, si dhe sezoni i tretë i Bridgerton, i cili ishte pritet fillimisht vitin e kaluar. “Duke shikuar drejt të ardhmes, pavarësisht grevave të vitit të kaluar që kanë shtyrë lansimin e disa titujve, kemi një program të madh dhe ambicioz për vitin 2024”, thuhet në letër.
Squid Game, i krijuar nga Hwang Dong-hyuk, tregon historinë e një gare me çmim të lartë ku qindra lojtarë që përballen me vështirësi financiare sfidojnë njëri-tjetrin në një seri lojërash vdekjeprurëse, të frymëzuara nga lojërat e fëmijërisë.
Seriali u bë hit i menjëhershëm për Netflix në 2021, duke u shndërruar në serialin më të shikuar ndonjëherë në platformën e streamingut. Ai u prit shumë mirë nga kritika dhe u nominua për shumë çmime të rëndësishme, me Lee Jung-jae që fitoi një Emmy si aktori më i mirë protagonist në një serial dramatik. Squid Game ka një vlerësim prej 95% në Rotten Tomatoes.
“Kanë kaluar 12 vjet për të sjellë sezonin e parë të Squid Game vitin e kaluar. Por vetëm 12 ditë iu deshën që Squid Game të bëhej seria më popullore e Netflix ndonjëherë”, tha Hwang Dong-hyuk kur u njoftua rinovimi i Squid Game. Ai shtoi: “Tani, Gi-hun do të kthehet. Do të kthehet edhe Front Man. Sezoni i dytë është në rrugë. Njeriu me kostumin dhe kravatën me ddakji mund të rikthehet. Do të njihni edhe të dashurin e Young-hee, Cheol-su. Bashkohuni me ne sërish në një cikël të ri”.
Popullariteti i serialit gjithashtu solli edhe realitishouin Squid Game: La Sfida. Ky program u krijuar që pjesëmarrësit të luajnë në lojëra të frymëzuara nga ato në Squid Game, por pa rrezikuar jetën e tyre, megjithëse ka pasur raportime për pjesëmarrës që janë lënduar gjatë xhirimeve. Seriali debutoi në nëntor 2023 dhe sezoni i dytë u njoftua në dhjetor.