Me fillimin e vjeshtës që shënon edhe hyrjen e sezonit të ri televiziv, mbrëmjet nuk do të jenë aq më shumë monotone para ekranit. Dance With Me, spektakli i kërcimit në Televizionin Klan starton mbrëmjen e sotme, duke mbushur kështu plot alegri të Hënat mbrëma në javët në vazhdim.
Përgjatë muajit Gusht, IMA ka zbuluar disa nga çiftet konkurente në këtë show. Por le t’i hedhim një sy, të gjithë konkurentëve dhe çifteve që ata kanë krijuar në këtë edicion të tretë të DWM!
Jesssie Hennesy & Dj Vickey
Këngëtarja Braziliano-Iraniane, Jessie Hennesy edhe pse jo shumë e njohur për publikun shqiptar, ka bërë mjaft bujë në ekrane ndërsa Dj Vickey është një nga DJ më të famshëm në Shqipëri, dhe ndër më të njohurit dhe më të simpatizuarit nga frekuentuesit e klubeve të natës.
Renato Mekolli dhe Laura Nezha
Renato Mekolli, shefi i kuzhinës i cili u bë mjaft i njohur në Master Chef si anëtar i jurisë do të na tregoj tanimë edhe talentin e tij në kërcim, ai do të ketë partnere Laura Nezhën, me profesion kengetare. Ata kanë një të përbashkët, janë nga Fieri!
Arnita Beqiraj dhe Besmir Bitraku
Arnita Beqiraj, një nga bukuroshet shqiptare e kurorëzuar si Miss Shqipëria 2010 do të marri pjesë në spektaklin e dancit i shoqëruar nga aktori Besmir Bitraku.
Fjolla Morina dhe Xum Allushi
Këngëtarja Fjolla Morina tashmë nuk do të këndojnë skenë, por do të shfaqi talentin e saj të plotë në kërcim së bashku me Xumin, djaloshin e videove humoristike në rrjete sociale që ka shkrirë gazit me humorin e tij. A do t’ia dali ai te kerceje?
Bora Zemani dhe Alban Ramosaj
Moderatorja sportive Bora Zemani, përvçëse në Digitalb, tashme do te jete edhe ne ekranin e TV Klan te Henave i shoqëruar nga këngëtari simpatik Alban Ramosaj.
Greta Koçi dhe Nard Ndoka
Greta, një nga emrat më të dëgjuar të estradës shqiptare do të kërcej pranë Nard Ndokës, një politikanët më të famshëm në rrjetet sociale. S’ka shumë nevojë për saqarim se pse!
E ftuar speciale mbremjen e sotme do te jete gjithashtu edhe balerina Klaudia Pepa.
Gjykimi edhe kete edicion i është besuar sërish Valbona Selimllarit, Albi Nakos dhe Robert Aliaj.
Rezervoni oren 20.05 per te qendruar nen ritmin e dancit, humorit dhe alegrise qe “Dance With Me” ofron!
Copyright IMAlbania.com
