Do t’u kushtojë shtrenjtë të gjithë atyre që do të blejnë një biletë për edicionin e 56-të të Super Bowl, të paktën 1000 dollarë edhe për një vend në rreshtin e fundit.
Cincinnati Bengals dhe Los Angeles Rams do të përballen më 13 shkurt në stadiumin SoFi Stadium të Inglewood, Kaliforni, dhe çmimet e biletave këtë vit janë më të kushtueshmet se në çdo edicion tjetër të Super Bowl.
Aktualisht, shuma mesatare që njerëzit po paguajnë për bileta në Super Bowl 56 është 10.237 dollarë, thuajse dyfishi i çmimit mesatar të vitit të kaluar, sipas Seat Geek.
Duke nisur nga e marta paradite, biletat në Seat Geek u shitën 5.218 dollarë secila, duke mos përfshirë komisionet dhe shpenzimet, që e çojnë totalin rreth 7.000 dollarë. Bileta më ekonomike e Ticketmaster, duke përfshirë komisionet kushton 6.746,35 dollarë, ndërsa bileta më e shtrenjtë, 72.750 dollarë për një vend VIP në seksionin 111, vetëm disa metra larg fushës.
On Location, ofruesi zyrtar i NFL, ofron paketa që variojnë nga 5.950 dollarë në 11.475 për sektorin club të nivelit premium. Bileta më ekonomike në Stub hub është 5.490 dollarë me komisione shërbimi 1.413 dollarë, për një total prej 6.905,68 dollarësh.
“Kjo është Los Anxhelos, kryeqyteti botëror I argëtimit, ku çmimet e gjithçkaje kapin majat. Kjo është një stuhi e përsosur” tha Adam Budelli, zëdhënës i StubHub për CNN.
