“Telenovela” e skenarit për vrasjen e deputetit Tom Doshi arriti një pikë tjetër kulminante gjatë pasditës së djeshme, me arrestimin e tij dhe të deputetit tjetër Mark Frroku. Kjo riktheu sërish vëmendjen e opinionit në këtë [ështje, pas “zbehjes” së ditëve të fundit.
Pa dyshim, arrestimi I deputetëve ishte në qendër të emisioneve kryesore politike të të enjtes mbrëma, që garojnë në të njëjtin orar, “Opinion” në Tv Klan dhe “Top Story” në Top Channel.
Gara, ndonëse ka nisur në pozita të barabarta në orën 21 të mbrëmjes, sipas të dhënave nga kompania e matjes së audiencës, Telemetrix, rezulton të jetë fituar nga Opinion, që me modelin e debatit të ashpër dhe ritmit të lartë në diskutimet e panelit të të ftuarve ka tërhequr audiencën më të lartë. Rating maksimal në Opinion ka arritur deri në 23.7% (Rating – tregon shikueshmërinë gjatë një fashe kohore apo programi televiziv, e shprehur kjo si përqindje e totalit potencial të audiencës; pra duke përfshirë edhe familjet që nuk janë duke parë televizor), ndërsa në Top Story deri në 12%. Ndonëse në rënie, audience ka vijuar të ndjekë Opinion deri në mesnatë.
Audienca e pakët që nuk ka zgjedhur debatet politike ka ndjekur filmin në Vizion Plus.
Më herët, në fashën orare nga 20.00-21.00, më e ndekura ka rezultuar telenovela Karadayi në Vizion Plus dhe Fiks fare në Top Channel.
Të dhënat Telemetrix SH.A.
Baza e të dhënave të gjeneruara nga “Telemetrix” është “në nivel minute; “Rating per Minute” në nivel familjeje (household).