Abc News në shitje?! Ky është lajmi që qarkullon këto ditë nëpër korridoret televizive dhe biseda mes kolegësh. Gjithashtu nuk mungojnë dhe burimet e besueshme të IMA (InfoMedia Albania), ku na kanë derguar informacione rreth këtij lajmi që është ende në formë thashethemi.
Abc News, televizioni informativ prestigjoz i grupit “Media6”, ku ka si aksioner Aleksandër Frangaj dhe biznesmenin e njohur Saimir Mane, diskutohet të jetë drejt shitjes.
Abc News, me një staf profesionist dhe studio lajmesh dhe emisionesh me standarte perëndimore, ka plot 3 vite eksperiencë në tregun mediatik, ku lindi pas shkrirjes së kanalit Telenorba. Një kanal i ngjashëm me Cnn, Bbc News apo Al Jazeera, ku spikeret dhe gazetarët më profesionistë të mediave shqiptare kanë qenë dhe janë pjesë e këtij kanali.
Edhe pse ende jo zyrtar si lajm, shumë zhurmë po bëhet në biseda kolegësh të cilët punojnë kanalet kryesore, të gjithë diksutojnë shitjen e mundshme të Abc News.
Nuk do habiteshim, pasi kohët e fundit Media 6, hoqi dorë edhe nga gazeta historike Koha Jonë, e cila u ble nga themeluesi i saj gazetari Nikollë Lesi.
Nëse do shitej, do uronim që të shkojë në duar të sigurta, profesionale dhe me ide origjinale. Gjithsesi përsa i përket, nëse është apo jo i vërtetë ky lajm mbetet per tu mësuar në ditët në vijim. Abc News, është një ndër kanalet më të pakta ne vendin tonë që ka një cilësi të lartë te figurës dhe zërit, gjithashtu ka studiot levizëse dhe një ekip gazetarësh të përgatitur të cilët drejtohen nga Armand Shkullaku.
