Të gjithë ne, i kujtojmë me emocion momentet kur vajza nga Shkodra, Elhaida Dani u shpall fituese e The Voice of Italy. Pavarësisht diskutimeve të shumta se italianët nuk do t’ia jepnin kurrsesi çmimin e parë një shqiptareje, Elhaida arriti ta rrëmbejë atë cmim. Natë pas nate ajo vazhdonte të na habiste me zërin e saj brilant. Zëri i saj impresinoi jo vetëm shqiptarët, bashkëkombësit e saj, por edhe italianët, të cilët e votuan dhe e mbështetën atë. Tashmë do të kemi mundësinë ta ndjekim Elhaidën live. Jo në festivalin e Sanremos, pasi ajo nuk do të marrë pjesë për shkak se nuk kishte gati këngën e duhur për një festival si Sanremo, por në një koncert live. Koncerti do të mbahet të martën e 17 Dhjetorit në orën 20:00 në Piazza Duomo – Nola me rastin e Krishtlindjeve. Një koncert i cili kurrsesi nuk duhet humbur. Italianë, shqipëtarë që ndodhen në Itali e shumë shtetas të tjerë do të kenë fatin të presin festat e dhjetorit ndryshe, me një zë të mrekullueshëm si të Elhaida Danit. Mos e humbisni.
IMA / I. Loshi
