Në pritje të festivalit të RTSH

Bashkohuni me grupin tonë zyrtar në Facebook duke klikuar këtu!

Tashmë është bërë traditë që çdo fund viti në ekranin e RTSH vjen festivali i këngës së lehtë shqiptare. Ajo çka e bën të veçantë këtë festival nga të tjerat është ajo e të kënduarit live dhe mundesia qe i jepet fituesit të këtij festivali përfaqësimi i Shqiperisë në Eurovision.
Pavarësisht këtij privilegji që sjell Eurovision, lënë akoma për të dëshiruar këngët dhe performanca e këngëtareve. Nuk kanë qenë të pakta edhe komentet që kanë shoqëruar çdo këngë fituese të dalë nga ky festival. Ajo çka bie në sy është se këngëtarët kanë dashur të
sjellin në këngët e tyre dhe një pjesë të folklorit vendas përmendim këtu: ‘‘Nesër shkoj’’Ledina Çelo; ‘‘Balada e gurit’’ Frederik Ndoci; ‘‘Zjarr e ftohtë’’ Luis Ejlli; ‘‘Kënga ime’’ Aurela Gaçe.
Duket sikur kjo mbështetje folklorike nuk ka qënë një armë e fortë për artistët tanë. Në fakt edhe prezantimi i festivalit vitet e fundit nuk ka qënë në formën e duhur. Ndoshta sepse publiku është mësuar me prezantues që vërtet kanë ditur ta sjellin këtë festival në mënyrën më të mirë të mundëshme.
Edhe në këtë edicion prezantuesi do të jetë sërish Enkel Demi duke pasur në krah të tij sivjet bukuroshen Diellza Kolgeci.
Edhe pak ditë na ndajnë nga fillimi i këtij festivali deri atëherë duhet të presim dhe të shpresojmë që çdo gjë do të shkojë siç duhet duke kthyer festivalin në një skenë me emocione dhe me vlera.

IMA / R. Kryeziu