Temptation Island, është titulli i programit më të ri veror 2014 i rrjetit komercial italian Canale 5. Duke filluar nga e enjtja e 3 korrikut për 4 javë rresht, disa nga çiftet e njohura të ekranit të vogel italian, do të vihen në provë për të testuar besnikerinë e tyre të tunduar nga një sërë ngacmimesh.
Tashmë është bërë publike moderatori dhe njëkohesisht miku i besuar për çiftet do të jetë Filippo Bisciglia, që do të rikthehet në ekranin e Canale 5 pas pjesëmarrjes në një nga edicionet e reality Grande Fratello.
Sipas burimeve të TvBlog, dy nga 5 çiftet që do t’i bashkohen cast-it të ketij produksioni të Fascino janë çiftet e krijuara në programin Uomini e Donne, Tara Gabrieletto dhe Cristian Gallella, Giorgia Lucini dhe Manfredi Ferlicchia.
Të rinjtë, të cilët edhe në vitet e kaluara kane pasur probleme në raportin e tyre, do të testojnë dashurine në programin Temptation Island, që do të ketë si location një resort të mbrekullueshem në Gaeta.
