Gjykata e Lartë lë të pandryshuar masën e sigurisë “arrest në burg” për Thoma Gëllçin, ish-kreun e RTSH-së. Masa nuk ndryshoi as për të bashkarrestuarit me të, anëtarët e Komisionit të Vlerësimit të Ofertave, Julian Tapia, Alban Malaveci dhe Ervin Muraj.
Sipas SPAK, ata dyshohen se kanë shkelur ligjin gjatë një procedure tenderuese për blerje pajisjesh për kanalin RTSHAgro me vlerë 87 milionë lekë.
Dy ditë me parë, Gëllçi ka dhënë shpjegime për prokurorët e SPAK. Ai është marrë në pyetje në prani të avokatit, lidhur me procedurën e ndjekur për tenderin e dyshuar.
Prokuroria e Posaçme kundër krimit dhe Korrupsionit kishte arrestuar ish- drejtorin e RTSH-së, Thoma Gëllçi dhe 3 punonjës të tjerë të televizionit për korrupsion në tendera.
Së bashku me Gëllçin në pranga kanë rënë edhe 3 anëtarët e Komisionit të Vlerësimit të Ofertave, Ervin Muraj, Alban Malaveci dhe Julian Tapia.