Në ekranin e Tv Klan, së shpejti vjen një format i ri i tipit reality show.
Bëhet fjalë për reality show-n “The Farm” i cili mbledh bashkë 12 personazhe vip për të jetuar në një fermë, duke marrë parasysh të gjitha punët për mbarëvajtjen e saj.
Vite më parë producentja e Vizion Plus Holta Dulaku, u interesua për realizimin e versionit shqiptar të këtij formati, por duket se nuk u arrit marrëveshja për produksionin e tij.
Ardhja e këtij formati në Shqipëri është konfirmuar nga Aleksandër Frangaj në një dokumentar të “ABC News”.
“The farm” aktualisht po transmetohet në Brazil, Bullgari, Norvegji, Sllovaki dhe Slloveni.
I bazuar në formatin televiziv suedez të quajtur Farmen i krijuar në vitin 2001 nga Strix, u shit në 40 shtete. Për herë të pare ky show u trasmetua në Suedi në kanalin TV4 në vitin 2001.
Formati:
Rregullorja parashikon që një grup me persona të famshem VIP, do lënë jetën e tyre me komoditetet dhe luksin e përditshëm për tu zhvendosur për 3 muaj në një fermë ku ka vetem kafshë dhe vegla për të punuar tokën dhe për të bërë punët e fermës. Çdo javë ka nominime dhe konkurrentët eliminohen nëpërmjet televotimit nga publiku. Në finale tre ose katër konkurrentët e mbetur do të konkurrojnë për çmimin e madh një shume parash te paracaktuar nga produksioni. Çdo javë ka prova që prekin jetën e përditshme në një fermë, ose të paktën atë që imagjinata kolektive beson të tillë. Nëse konkurrentët fitojnë provën javore, do të kenë ushqim si shpërblim ose imunitet nga nominimet.
A do ja dalin konkurrentët vip shqiptar të ndryshojne rrënjesisht stilin e jetesës brenda një fermës me punë të renda dhe në sherbim të kafshëve e shpendëve që do jenë aty brënda? Këto e shumë të tjera do i zbulojmë së shpejti në reality show më të ri në Tv Klan.