Në kanalin “3 Plus” në platformën dixhitale “Tring” ka filluar transmetimi i serialit anglez të “BBC One”, “The Paradise”. Është pikërisht episodi i katërt ky i sotmi që starton në orën 20:00.
“The Paradise” është një serial historik britanik i prodhuar nga “BBC World Wide” për “BBC One” dhe përmban dy sezone me nga 12 episode secili. U shfaq për herë të parë në “BBC One” në datën 25 shtator 2012, ndërsa pak muaj më vonë filloi transmetimin edhe në Shtetet e Bashkuara në kanalin “PBS”.
Kujtojmë që muajt e fundit “Tring” ka patur seriozisht investime gjigande si në teknologji ashtu edhe në programacion. Konkretisht në “3 Plus” janë transmetuar dhe po transmetohen një gamë e shkëlqyer e serialeve spanjolle, ndër to përmendim “Gabriel” apo “Dashuri dhe Kurajo”. Është prezantuar tashmë projekti gjigand “My Tring IPTV”, ndërsa nga prilli i kaluar kjo kompani dixhitale transmeton tërësisht në MPEG-4.
IMA / S. Dema
