Samsung Electronics ka hedhur në treg modelin e ri të televizorit The Sero, pjesë e gamës Lifestyle TV që kompania koreane ka prodhuar sëfundmi. The Sero, që në gjuhën koreane do të thotë “vertikale”, është TV i parë që mund të rrotullohet për të pozicionuar ekranin në në mënyrë horiyontale ose vertikale në bazë të materialit në transmetim. Një tip telefoni me madhësi të një ekani tv.
I konceptuar për gjeneratën e Millennials dhe Gen Z, është optimizuar për përmbajtjet e social media, shërbimeve streaming dhe video lojrave. Nga momenti që bëhet lidhja mes smartphone-it me The Sero, ky i fundit adapton orientimin e ekranit tradicional në 90 gradë, për të transmetuar përmbajtjen e telefonit në formatin origjinal, atë vertikal.
Një nga cilësitë e The Sero është pasqyrimi i ekranit të smartphone, që falë funksionit Tap View, kryhet në mënyrë automatike. Mjafton të afrojmë telefonin afër televizorit që lidhje të bëhet automatikisht nga të dy pajisjet.
Gjithashtu TV mundëson një sërë funksionesh të tjera në statusin standby, si shfaqjen e posterave, orës, foto, sound wall dhe projektime. The Sero është një produkt stand-alone, nuk është e nevojshme të montohet në mur apo vendodet mbi mobilje dhe mund të zhvendoset nga një ambient në tjetrin lehtësisht.
I pajisur me një ekran QLED TV 4K Samsung 43″, The Sero ka të integruar funksionin Adaptive Picture që analizon kushtet e ndriçimit të ambientit dhe përshtat dritën dhe kontrastin duke optimizuar cilësinë e imazhit.
Amplifikatori Inteligjent i Audios (AVA) identifikon dhe eliminon zhurmat e jashtme në sfond, duke e bërë më të pastër dëgjimin. Altoparlantet prej 60 W 4.1 me teknologjinë Dolby Digital Plus, të fshehur në suportin vertikal mund të lidhen me smartphone-in për të dëgjuar muzikën e preferuar.
Si të gjithë TV Samsung të gamës Lifestyle TV, The Sero është i predispozuar të arrijë 100% volumin e ngjyrave dhe suporton HDR10+, tecnologjia që mundëson përshtatjen e nivelit të ndricimit, nga një skenë në tjetrën, falë ndërveprimit të dhënave dinamike.
Ndërsa funksioni Ambient Mode+ mundëson të tjera cilësi edhe kur televizori është i fikur. Përveç shërbimeve ditore si parashikimi i motit ose lajmet mund të dëgjohet edhe muzikë.
The Sero ka një çmim të rekomanduar prej 1.499 euro.