Nata e parë e Betejave në ‘The Voice of Albania 5’ ka dhuruar vërtet emocione fantastike. Fitues të ekzaltuar, por nga ana tjetër dhe jo pak lotë, nga konkurentët që nuk u përzgjodhën për të vijuar në fazat e tjera të spektaklit. Duele mjaft të forta. Karaktere muzikore mjaft të spikatura. Vendime mjaft të vështira për trajnerët. Në këtë mbrëmje të spektaklit u përballën 7 çifte konkurentësh nga ekipet e të katër trajnerëve.
Përbërja e ekipeve, pas natës së parë të Betejave:
Ekipi Almës: Sahit Vata, Iris Hoxha, Alberigo Marku (i marrë nga ekipi Sidritit)
Ekipi Jonidës: Sara Koçi, Besarb Qerimi
Ekipi Gencit: Redon Kikaj, Elbunit Krasniqi
Ekipi Sidritit: Lorenc Hasrama
Në përfundim, 4 trajnerët, nga 14 konkurentë zgjodhën 7. Ndërsa, njëri prej konkurentëve u shpëtua nga Alma. Por sfida e Betejave të mëdha nuk mbaron këtu. Javën e ardhshme, ditën e premte, në orën 21:00, është nata e dytë e Betejave, me të tjera emocione dhe surpriza në ekranin e Top Channel.
Marre nga The Voice of Albania