Banorët e “Big Brother VIP” i janë nënshtruar një “loje”, e cila konsiston në shkrimin e disa letrave për njeri-tjetrin në mënyrë anonime.
Në letër do të shkruhen disa arsye pse ata mendojnë se banorët nuk duhet ta fitojnë garën dhe çmimin e madh. Letrat më pas do të lexohen nga vetë banori që i dedikohet, do të analizohet dhe komentohet, por ata nuk do ta marrin vesh se kush e ka shkruar.
Gjatë leximit të letrave, pati një sërë komentesh të hidhura për gjithë secilin nga banorët.
Një nga letrat që tërhoqi më shumë vëmendje ishte ajo e Ilirit. Atij iu bë një akuzë dhe deklaratë shumë e rëndë ku thuhej se është duke bërë një lojë të pistë.
“Loja që bën brenda shtëpisë kundrejt banorëve të tjerë është e pistë”-shkruhej aty.
Iliri, fillimisht aludoi për shkruesin e letrës duke thënë se beson që është Meridiani. Ky i fundit vendosi të mos flasë, por të reagojë me anë të një mimike mospranuese.
Për sa i përket deklaratës që ai mori, balerini u përgjigj duke thënë se loja e tij konsiston në mbrojtien e gjërave që do më shumë dhe në besimin e principeve të veta.
“Nëse lojë quhet ajo që secili tregon karakterin e vet, kur njeriu i mbron gjërat që do më shumë, kur njeriu beson principet e veta, atëherë, po, unë i jap të drejtë këtij personi.”-ka replikuar ai.
