“Ti Mundesh”, një cikël programesh televizive që synon t’u japë të rinjve një mundësi për të ndërtuar aftësitë e tyre për jetën si dhe i mbështet ata në procesin e rritjes dhe vetënjohjes për t’u orientuar në tregun e punës.
Të ftuar në këtë takim e parë kanë qenë Gentjana Mara Sula, Zv. Ministre e Mirëqenies Sociale dhe Rinisë, Erindi Bejko, drejtor i Drejtorisë së Nxitjes së Punësimit dhe i sektorit të formimit, SHKP, Klidjan Lame, nxënës në shkollën e mesme profesionale “Hoteleri Turizëm” në Tiranë. Programi është drejtuar nga prezantuesja Albana Osmani.
Rreth formatit
Ti mundesh të investosh drejt, të investosh për të ardhmen! Në një botë globale, suksesi në jetë nuk varet vetëm nga rezultatet në shkollë, por dhe nga aftësia dhe dëshira për punë.
Ky produksion televiziv do të nxjerrë në pah mundësitë e shumta për të rinjtë në tregun e punës; do t’i orientojë ata si duhet drejt nevojave të tregut dhe hapësirave që mundëson edukimi profesional dhe orientimi i karrierës drejt një profesioni në përputhje si me karakteristikat profesionale të të rinjve, ashtu si dhe në përputhje të plotë me interesat personale dhe mundësitë afatshkurtër dhe afatgjatë që ofron tregu i punës në Shqipëri dhe jashtë saj.