Kohët e fundit në kanalet kryesore po realizohen programe që kanë në qendër të misionit të tyre zbulimin e figurave të reja televizive. Pas talent show-ve si The Voice apo X Factor në kërkim të talenteve në muzikë, po i jepet hapsire në mediat tona edhe fushave te tjera te artit dhe jo vetëm.

Në Agon Channel, ka disa javë që ka nisur transmetimin talent show “Amerikani – I pari në lajme”, që ka pasur nje interes të madh si në pjesëmarrës dhe në shikueshmeri. Një talent show i ngjashëm në strukturë si shumë të tjerë, ku tre personazhe të njohur të ekranit janë në panelin e jurisë me qëllimin për të zbuluar talentin midis konkurrentëve që kanë aplikuar. Ne kete rast Alessio Vinci, Sonila Meço dhe Sajmir Kodra do të gjykojnë dhe perzgjedhin gazetarin më të talentuar në lajme që do të fitojë një kontratë njëvjeçare në Agon Channel. Po kështu, programi E Diela Shqiptare ka hapur sëfundmi audicionet për talent show-n që do të përzgjedh, midis shumë aplikanteve, balerinën më të mirë që do të fitojë një kontratë njëvjeçare me trupën e baletit të TV Klan.

Dhe për të qënë në hapa të njëjtë me konkurrencën, një program të tillë në kërkim të talenteve të reja është duke menduar edhe televizioni kryesor kombëtar privat Top Channel. Autori i këtij talent-i  është italiani Luigi de Filippis, i cili ka në autorësi programin E Diell, Misioni i këtij talent show është projektuar për të kërkuar moderatorin/prezantuesin më të mirë që do t’i bashkohet Top Channel. Një ide e mire duke konsideruar faktin qe ne kete kanal jemi paksa te lodhur nga te njejtat personazhe qe bejne xhiron e shume programeve.

Ne fakt ideja i është propozuar drejtuesve të TC, por ende nuk është miratuar asgjë, pasi ky program ka kosto të larta produksioni, duke patur parasysh edhe kostot e programeve të tjera që janë në transmetim.

Formati i autorit italian sjellë formule të re në ekranet televizive. Ky projekt është ende një ide në letër, madje autori italian e ka paraqitur edhe në televizionet italiane të Rai dhe Mediaset. Por gjithmonë sipas burimit tone te besueshem, ka gjasa që nga sezoni Shtator-Dhjetor 2014, mund të nisë rrugëtimin e tij në ekranin e Top Channel.

Një program i tillë do të ngjallte shumë interes te aspirantet e rinj të cilët ëndërrojnë të jene pjeë e botes se televizionit, dhe pse jo prezantuesit e ardhshëm të programeve televizive.

Formati mbetet ende për tu miratuar nga bordi drejtues i Top Channel dhe deri atëhere ju ftojmë të na ndiqni në ditët në vijim për më shumë detaje mbi talent show që ne kemi vendosur ta pagëzojmë Moderatori.