Tuba Büyüküstün do të vijë përsëri në ekranet shqiptare së bashku me Engin Akyürek njësoj si afro para 6 viteve në serialin “Diamant dhe Dashuri” por kësaj rradhe në prodhim tjetër i cili përsëri transmetohet në Shqipëri.
Vajza e Ambasadorit, seriali që transmetohet aktualisht në platformën Tring, është pikërisht prodhimi i cili ka ribashkuar përsëri yjet e serialeve turke.
Tuba do të zëvendësojë tashmë Neslihan Atagül Doğulu në rolin e Nares e cila braktisi xhirimet e serialit të njohur si pasojë e problemeve shëndetësore
Sipas mediave turke, aktorja e njohur do të marrë 3 milion TL afërsish 335 mijë euro për të pranuar ofertën nga Vajza e Ambasadorit. Sidoqoftë, kjo shifër shprehet nga ata që e njohin tregun e serialeve televizive si një tarifë të paarsyeshme.
RRETH SERIALIT
Sanxhar dhe Nare janë të dashuruar që fëmijë, por babai i saj, një njeri me pozitë, është kategorikisht kundër marrëdhënies së tyre. Kështu, ata të dy vendosin të arratisen dhe të martohen në fshehtësi, por nusja zhduket krejt papritur. Ai pandeh se vajza u pendua dhe u largua, por në të vërtetë fajtori ishte babai i saj. Vite më vonë, dy të rinjtë takohen sërish, por Sanxhari është në prag të martesës me një vajzë tjetër. Aty merr udhë një dramë e thellë plot dilema mes dashurisë së vërtetë që nuk shuhet edhe pse koha kalon, mërisë e mllefit, si dhe përgjegjësive të reja.
Seriali transmetohet çdo të Hënë dhe të Martë ora 20:00 në JollyHD dhe 21:00 në 3 Plus pjesë e platformës Tring.
InfoMedia Albania
