Qarku i Shkodrës ka një pasuri të madhe turistike të klimës malore, ku përfshihen edhe Boga, Kelmendi, Tërbuni etj, ndërsa Razma, Thethi e Vermoshi jane më të frekuentuarat pasi ato prej vitesh kanë qënë zona turistike të njohura në vend, ndërsa tani, në përshtatje me ekonominë e tregut, turizmin e shohin si biznes dhe në këto zona gjen hotele apo banesa të pershtatura për turizem ose, siç njihen me gjuhen e popullit, hanë.
Pikat me veriore të vëndit edhe këtë vit kanë nisur të frekuentohen. Freskia, qetësia, por më tepër bukuritv që ato ofrojnë për të gjithë vizitorët janë tërheqëse për një numër të larte njerëzish. Ujëvarat, shpellat, lumenjtë janë vetëm disa nga ato çka natyra u ka falur këtyre vëndeve.
Razma = Ndodhet 41 km nga Shkodra dhe 900 metra mbi nivelin e detit, rrëzë malit të Veleçikut. Për të shkuar atje, udhëtimi nga Shkodra b deri në Koplik dhe nga atje deri ne Razëm dhe . Udhëtimi zgjat një orë. Rruga e rikonstruktuar, edhe pse e ngushtë, bën të mundur që në Razmë të shkohet lehtësisht edhe me makina të vogla.
Vermoshi = Përbën skajin më verior të Republikës së Shqipërisë. Ai gjendet në një distancë prej 95 kilometrash nga qyteti i Shkodrës dhe është pjesë e komunës së Kelmendit ku ndodhen dhe fshatra të tjerë me potenciale turistike, si: Tamara, Selca, Qapa e Përdolecit, Lëpusha dhe veçanërisht Vermoshi.