Nga data 1 Shtator, TV KLAN do të jetë pjesë e platformës TIBO, duke sjellë për të gjithë bashkatdhetarët kudo në botë programet më të bukura dhe emocionuese. Ky bashkëpunim i ri do t’u mundësojë shqiptarëve që jetojnë jashtë vendit të shijojnë serialet më të ndjekura, programet e preferuara televizive dhe ndeshjet emocionuese të Kombëtares Shqiptare, pavarësisht se ku ndodhen.
Platforma TIBO, e njohur për ofrimin e përmbajtjes cilësore televizive për diasporën shqiptare, tani do të përfshijë edhe TV KLAN, duke sjellë kështu një përvojë unike për të gjithë ata që duan të ndjekin televizionin shqiptar nga larg. Ky zhvillim është pritur me shumë entuziazëm nga shqiptarët anembanë globit, të cilët do të kenë mundësinë të ndjekin programet e tyre të preferuara në çdo kohë dhe kudo që ndodhen.
Shtimi i kanlaeve të TV Klan në listën e ofertës së TIBO vjen si rezultat i marrëveshje së Tring e cila ofron kanalet e saj në këtë platformë për abonentët jashtë Shqipërisë.
