Festat e fundvitit pritet të sjellin një programacion të plot në ekranet shqiptare.
Tv Klan duket se ka përgatitur një buqetë të plot me përmbajtje argëtuese që do të na shoqërojë gjatë orëve të ndërrimit të viteve dhe në ditët e para të janarit.
Drejtori i programacionit në Tv Klan, Albert Dumani ka zubluar sot në emisionin “Rudina” të gjitha surprizat që janë përgatitur për mbrëmjet festive.
Në vazhdim intervista.
Rudina Magjistari: Çfarë kemi të reja, ka filluar televizioni Klan të bëhet gati për festat e fundvitit?
Albert Dumani: Po, kemi përcaktuar disa fasha orare. Programi i 31 Dhjetorit do të jetë “Klanifornia”, ndërkohë do të shfaqen në datën 1 dhe 2 Janar dy filmat e Ermal Mamaqit, premierë ekskluzive për herë të parë në televizion pas rekordit që kanë shfaqur në kinema është Tv Klan që do shfaqë “Dy Gisht Mjaltë” dhe “I Love Tropoja” më datë 1 dhe 2 Janar. Kemi dy premiera të Teatrit Kombëtar të Operas dhe Baletit, një koncert popullor për Fitnete Rexhën dhe një koncert tjetër shumë interesant që është ndërthurja e popit dhe muzikës tradicionale shqiptare.
Më datë 3 Janar do të fillojmë programacionin normal. Ndërkohë, gjatë 31 Dhjetorit, 1 dhe 2 Janar, do të shfaqet një serial premierë që është shfaqur në Amazon, quhet “Presidenti”. Është një seria që ka të bëjë me skandalin FIFA Gate për Sergio Jadue, ka qenë presidenti i futbollit kilian, ai që u bë zv/president në FIFA. Është një ngjarje që ka ndodhur në 2015 dhe e gjitha kjo është bërë serial me 8 episode dhe ne do t’i shfaqim të 8 episodet, 2 më 31 Dhjetor, 3 më 1 Janar dhe 3 episode të tjera më 2 Janar.
