Para pak kohësh, Marina Vjollca dhe Getoar Selimi, konfirmuan se po bëhen prindër për herë të parë.
Ndonëse në pritje të ëmbël, moderatorja nuk është shkëputur nga televizioni dhe vazhdon të prezantojë spektaklin e humorit, “Klanifornia”.
Krahas ndryshimeve të tjera në jetën e saj, duket se shtatzënia ka bërë që Marina të ndryshojë edhe ‘look’. Jemi mësuar që prej vitesh ta shohim bjonde, mirëpo, pak para nisjes së spektaklit, moderatorja na ka çuditur të gjithë me pamjen e saj të re. Tanimë ajo është bërë sërish brune, si para shumë vitesh, kur ishte pjesë e “Top Channel”.
Megjithatë, mund të themi se edhe kështu duket një yll e ngjyra e re i shkon shumë. Ndryshimi i saj është pritur shumë mirë edhe nga ndjekësit, siç shihet në komentet e lëna në fotot që ka postuar Marina.
Nuk thonë kot se gratë në pritje të ëmbël kanë natyrshëm një “nur” shtatzënie, e Marina duket se e vërteton këtë, me çfarëdolloj ngjyre flokësh!
