Ish-konkurrenti i “Për’puthen 3”, Bledi u largua nga programi javë më parë.
I ftuar në një intervistë, Bledi ka treguar më specifikisht arsyen e largimit dhe madje ka bërë një deklaratë të fortë edhe për një nga çiftet në program.
Ai u shpreh se largimi ka qenë për arsye familjare, por edhe nga mënyra se si ka qenë trajtuar në studio kur nuk ka qenë mirë emocionalisht.
“Kam pasur edhe arsyet familjare që i kam shprehur edhe në program brenda, që ata i dinë. Po edhe kohët e fundit po shikoja disa gjëra që nuk po shkonin ashtu siç i kisha planifikuar unë, siç i kisha menduar unë. Janë disa momente aty ku më vjen keq ta them por kur të shohin që ti nuk je në rregull dhe nuk je mirë emocionalisht, të sulmojnë që të të nxjerrin nga vetja dhe më tepër të të ulin. Këto gjëra nuk më pëlqejnë fare. Dhe thashë sa të dal dikushi që nuk jam, më mirë po largohem fare.”, tha ai në “Natë me Aulonën.”
Bledi gjithashtu tha për dyshen Mikela-Erjoni se nuk i shikon bashkë si çift duke i cilësuar si “dashnorë të bukur.”
“Dashnorë të bukur por kurrë bashkë! E ka thënë edhe Bruno këtë fjalë. Edhe i qëndroj edhe unë. Nuk i shoh bashkë”, u shpreh ai.
Bledi është një konkurrent mjaft i përfolur i programit, i cili ka zhvilluar disa takime romantike me vajza të ndryshme. Takimi i fundit ishte ai me Laureta Zybën, ku dukej se mes dyshes kishte shumë afrimitet.
