Siç është njoftuar, pas Antonelës e Meridianit, sonte një tjetër personazh do t’i bashkohet sonte shtëpisë së “Big Brother VIP”! Ka patur shumë aludime se kush do të jenë banorët e rinj, dhe në rrjet është përmendur shumë emri i Vesel Kurtishajt, ish-fituesit të “Big Brother”.
Po ashtu edhe emri i modelit kosovar Vigan Shehu, që ka qenë po ashtu më parë pjesë e këtij formati.
Por në fakt asnjëri prej tyre! Siç Kryefjala.com ka mësuar, banori më i ri do të jetë vëllai i Viganit, Valon Shehu. Këngëtari nga Kosova, njihet për zërin e stilin unik.
Vajzat e “Big Brother VIP” kanë kërkuar vazhdimisht çuna të rinj në shtëpi, BEQARË! Ndaj “Vëllai i Madh”, do t’jua plotësojë dëshirën, ndonëse nuk e dimë nëse Valoni është ‘single’!
Gjithashtu, kujtojmë se përflitet që pjesë e “Big Brother VIP” do të bëhet edhe aktorja e njohur Eva Alikaj, që shqiptarët e njohin si “Elsa e Pallatit 176”.
