Dita e djeshme solli edhe fundin e sezonit të ri të “Anabel Hostel: Si n’jetë”. Por, bashkangjitur me finalen, duket se ka ardhur përfundimi i bashkëpunimit të tre prej vajzave të serialit.
Ana Haxhimali ka shkruar në një postim në InstaStory se prej pak kohësh nuk e lidh më asgjë me Anabel Media. “Qartë, pastër, bukur, pa gabime”, ka përfunduar ajo.
Dea Mishel është mjaftuar me një screenshot të faqes “The Anabel Life” në Instagram, për t’i dhënë ‘lamtumirën’ bashkëpunimit me serialin në fjalë.
Çuditërisht, të njejtën mënyrë për të lajmëruar shkëputjen nga projekti ka zgjedhur edhe Viola Gjoleka. Kështu, ndjekësit e “Anabel Hostel” mësuan jo pak të reja mbi vijëmësinë e punës (nëse ndonjë sezon i ri është në plan, sigurisht).
Edhe Alberta Kamenica është mjaftuar me një postim të vetëm në Instagram…
Protagonistet e serialit nuk e ndjekin më faqen e Anabel Media në rrjet, përfshirë këtu edhe Megi Pojani. Ndoshta, vajzave u ka përfunduar kontrata dhe kaq ka mjaftuar për ta lënë projektin pas. Por, reagimi i tyre vetëm nëpërmjet disa (ose me një) fjalë në rrjetet sociale të shtyn të mendosh se vajzat që u bënë të famshme nga “Anabel Hostel”, nuk janë ndarë paqësisht me produksionin.
Nuk dihet se çfarë ka ndodhur, por sido që të jetë, rrugëtimi i tyre ka përfunduar këtu. /News31.al
