Gjermania, Franca, Italia dhe Spanja janë ndër vendet që thonë se do të rifillojnë përdorimin e vaksinës Oxford-AstraZeneca COVID pasi rregullatori Evropian i ilaçeve deklaroi se ishte “i sigurt dhe efektiv”.
Po ashtu kanë deklaruar se do të rifillojnë vaksinimin edhe Portugalia, Holanda, Letonia, Lituania, Qipro dhe Bullgaria.
Suedia ka deklaruar se do të marrë një vendim javën e ardhshme, ndërsa Iralnda prite të deklarojë nesër do të rifillojë apo jo vaksinimet me AstraZeneca.
Një numër i madh vendesh evropiane kishin pezulluar përdorimin e saj në fillim të kësaj jave pas raporteve të çrregullimeve të rralla të gjakut te disa persona që kishin marrë vaksinën.
Agjencia Evropiane e Barnave (EMA) tha se përfitimet e vaksinës në mbrojtjen e njerëzve nga vdekja e lidhur me koronavirusin ose shtrimi në spital tejkalojnë rreziqet e mundshme dhe se vaksina nuk është e lidhur me një “rrezik të përgjithshëm” të mpiksjes së gjakut.