Carlo Pedersoli, i njohur ndryshe si Bud Spencer, ndërroi jetë dje, 27 Qershor 2016 në moshën 86 vjeçare (lexo këtu), duke trishtuar fansat e tij nga e gjithë bota përfshirë këtu edhe Shqipërinë, ku pothuajse të gjithë të rinjtë e brezit të viteve ’90, shprehën nostalgjinë e tyre në rrjetet sociale.
Nuk mund të mbeste pas as Italia, ku kinematografia italiane është në zi, sepse humbi një nga aktorët që vazhdon të mbahet gjallë në mendjet e shikuesve. Televizionet italiane gjithashtu i janë bashkuar këtij hidhërimi duke ndryshuar hapsirën e filmave me të gjitha prodhimet kinematografike ku Bud Spencer ka luajtur.
Të gjithë mund të shijojnë “Piedone l’africano” në Rai3 ora 21.15. Mbremje vonë rreth ores 23.15 do të transmetohet Speciale Stracult Lo chiamavano Bud.
Ndërsa në Rete 4 ora 21.15 ora “Kush ka një mik ka një thesar” ku protagonist është një ndër personazhet më të pëlqyer nga filmat e Bud Spencer, Bannana Joy.
Po ju kë do të ndiqni? Ne do të përqëndrohemi në Rete 4!