Eshte rrëzuar padia për shpifje e gazetarit Muhamed Veliu drejtuar portalit Lapsi.al. Sot gazetari i Top Channel i përfaqësuar nga avokatja e tij Arnida Çapi janë paraqitur përpara gjyqtari Ibrahim Hoxha për të marrë edhe vendimin pas 6 seancave të kaluara të hetimit gjyqësor. Edhe pse pala paditëse ishte pozitive ndaj vendimit, duke marre parasysh proçesin e zhvilluar deri më sot dhe provat e paraqitura nga të paditurit, ju është dashur të përballen me një vendim aspak objektiv dhe skandaloz shkruan Veliu.
Gazetari i njohur i Top Channel ka reaguar nëpërmjet një deklarate në profilin e tij në rrjetin social facebook, që mund ta lexoni të plotë në vazhdim:
Gjyqtari Ibrahim Hoxha nëpërmjet një vendimi skandaloz sot ligjëroi shpifjen.
Gjyqtari Ibrahim Hoxha në një vendim haptazi të padrejtë u përpoq të arsyetonte se padia ime për shpifje ndaj portalit Lapsi.al me botues Andi Bushatin dhe Armand Shkullakun, rrëzohet për shkak se nuk përmbushen kushtet ligjore për shkaktimin e dëmit.
Sipas arsyetimit të cunguar të gjykatës thëniet e publikuara nuk përbëjnë as fyerje dhe as shpifje të ndonje lloji.
Për më tepër gjyqtari anashkalon haptas vendimin unifikues nr. 12 të Kolegjeve të Bashkuara të Gjykatës së Lartë, duke vendosur arbitrarisht të mos e zbatojë në këte rast, një vendim që ka forcën e ligjit.
Gjyqtari në vendim pretendon se nuk u provua ardhja e dëmit moral, ndërkohë që nuk i kërkon në asnjë moment palës së paditur Lapsi.al me botues Armand Shkullakun dhe Andi Bushatin të provojë vërtetësinë e atyre cfare kanë publikuar, që në fakt është thelbi i këtij gjykimi.
Gjatë 6 seancave të hetimit gjyqësor pala e paditur nuk paraqiti një provë të vetme ku të mbështeste pretendimin se “unë gjithnjë marr pyetje të gatëshme nga zyra e shefit të qeverisë. Përballë një vendimi skandaloz në vazhdën e vendimeve që mbajnë firmën e këti gjyqtari do të vijoj të kërkoj drejtësi në Gjykatën e Apelit.
Sëbashku me avokaten time Arnida Çapi jemi të vendosur që betejën për të cuar në vend dinjitetin tim të nëpërkëmbur dhe për ndëshkuar shpifjen sëbashku me shpifësit, nuk do të ndalet.
Me këtë vendim njeriu drejtësisë Ibrahim Hoxha tregoi se sa i padrejtë është sistemi drejtësisë në Shqipëri duke nxjerr në pah nevojën urgjente për Reformën në Drejtësi.