Pas suksesit të filmit, Veronica Mars së shpejti mund të rikthehet në ekranin e vogël. Lajmin e ka bërë të ditur Rob Thomas gjatë Comic-Con në San Diego.
Në një intervistë per TVLine, krijuesi i serialit ka zbuluar se ka biseduar me aktoren Kristen Bell për një projekt të mundshëm televiziv ose një sequel të filmit kinematografik.
Thomas ka shtuar se struktura e serialeve me kohë të limituar, si përshembull True Detective, mund të jetë ideale për ti dhënë kohën e mjaftueshme të dyve për të mos lenë pas dore projektet aktuale për ato më të reja.
Aktorja e Veronica është e angazhuar aktualisht në serialin House of Lies dhe me projekte kinematografike, ndërsa Rob i është përkushtuar serialit iZombie, për rrjetin The CW.