Dy nga konkurrentët më të përfolur të Për’puthen javët e fundit janë padyshim Ledjana dhe Mevlani, të cilët që në takimin e parë të tyre u shfaqën shumë të afërt me njëri-tjetrin. Madje Mevlani i bëri dhe një këngë Ledjanës, që u bë shumë shpejt virale. Mirëpo marrëdhëniet mes tyre u ftohën për shkak të shumë arsyeve, sidomos pas hyrjes së Antonelës në garë.
Mevlani shprehu publikisht pëlqimin edhe për Antonelën dhe kjo e fundit i kërkoi atij t’i bënte një album. Mirëpo kjo gjë nuk u prit mirë nga Ledjana, që pati një debat të ashpër me Antonelën disa javë më parë.
Megjithatë publiku duket se dëshiron ende ta shikojë Mevlanin dhe Ledjanën si çift. Konkurrentja ka treguar se ka marrë mesazhe të shumta në Instagram për të dalë në një tjetër takim me Mevlanin dhe jo vetëm në rrjete sociale. Si për tu plotësuar dëshirën fansave, Mevlani ka marrë sot mikrofonin dhe i ka kënduar Ledjanës këngën që i dedikoi disa javë më parë. Ky veprim ka lënë pa fjalë të gjithë konkurrentët e po ashtu edhe Ledjanën.
Kjo e fundit është emocionuar shumë, madje edhe u përlot, teksa i fali një përqafim Mevlanit. Nuk e dimë nëse gjërat mes tyre do rregullohen pas këtij veprimi, por mbetet të shohim se ç’do ndodhë javën e ardhshme.
