Duket sikur historia e trekëndëshit Andi-Tea-Beart do të vazhdojë edhe për ca kohë, por këtë herë vëmendja ka kaluar në përplasjen që po ndodh mes tyre dhe produksionit të “Për’Puthen”. Me reagimin që këta të fundit kanë bërë, që nuk ishte gjë tjetër veçse publikimi i kontratave të konkurentëve dhe dëshmisë që ata nuk kanë qenë të detyruar të qëndrojnë, Tea nuk ka qenë aspak dakord.
Në fakt ditën e djeshme asaj ju mbyllën rrjetet sociale, si Instagram-i, ashtu edhe kanali në Youtube, ku kishte nisur të postonte së fundmi, dhe për këtë Tea fajësoi Top Channel-in. Ndërkohë nuk është mjaftuar me kaq dhe me anë të një video-je, me stilin e asaj të parës, ish-konkurentja e programit ka folur jo vetëm duke ju drejtuar produksionit, por veçanërisht autores Olsa Muhameti.
Sipas saj, Olsa ka ditur atë që po ndodhte mes Teas dhe Beartit e megjithatë sërish kishte këmbëngulur që ajo dhe Andi të vazhdonin në emision më tej, për përfitimin e vetë formatit. Tea thotë po ashtu se të gjithë po i përmendin “giveaway”-t dhe bizneset, por në fakt biznes është bërë edhe nga produksioni me konkurentët, sidomos me ta të dy. Ajo tregon se autorja dhe stafi i emisionit kanë rënë dakord që ata të ikin, ndërsa ishin në dijeni për të gjitha, vetëm kur Tea dhe Andi nuk kanë pranuar më që të dalin në takime. Një tjetër akuzë që ajo ka bërë është se nuk janë paguar për asgjë që kanë bërë, gjatë gjithë kohës.
Për më shumë ndiqni videon e mëposhtme:
https://youtu.be/NrPtXVVto3o