Shumë pak e njohin këtë festival, Turkvizion është festivali turk i këngës. Është pothuajse i ngjashëm me festivalin Europian të këngës por me një ndryshim, në të nuk marrin pjesë vetëm shtetet Europian por edhe ato Aziatik. Shqipëria ka vendosur të jetë pjesë e këtij festivali duke u përfaqesuar nga këngëtarja Xhoi Bejko, e cila ka një karrier të pasur artistike në skenat shqiptare. Këngëtarja ka qënë pjesë e bandës muzikore të “Top Channel” e më pas si asistent trajnerve në “X Factor Albania” dhe “Gjeniu i Vogël”. Xhoi ka marrë pjesë në shumë festivale shqiptare si “Kënga Magjike”, “Top Fest” dhe festivali i këngës në RTSH. Pjesëmarrja e saj në këtë kompeticion është shumë i rëndësishem për promovimin e muzikës shqiptare si dhe synimi Xhoit për të prekur Eurovizionin. Info Media- Albania u interesua dhe kontaktoi këngëtaren për më shumë informacione rreth këtij festivali dhe pjesëmarrjes së saj në garë.

 Përshendetje Xhoi! A mundë të na tregoni diçka më shumë rreth këtij festival, si realizohet?

Turkvision është një festival që këtë vit do të realizohet në Tatarstan, republike Ruse. Ky është viti i dytë që organizohet, prandaj edhe nuk është shumë i njohur. Për Shqipërinë është viti i parë i pjesëmarrjes dhe është kënaqësia ime që të jem e para e përzgjedhur për të përfaqësuar vendin tonë. Gjysëmfinalja realizohet në datën 19 Nëntor e pastaj me shpresën që të kaloj në fazën tjetër, do jem duke festuar ditelindjen në skenë, për finalen në datën 21 Nëntor. Janë pjesëmarrëse vendet mike të Turqisë dhe përkatësisht këtë vit që organizohet në Tatarstan, vend që mbahet si djepi i kuturës turke në Azi.

A mund të na tregoni se si u bë përzgjedhja e emrit tuaj në këtë festival, kishte ndonjë konkurs mes këngëtarëve shqiptar?

Përzgjedhja e emrit tim u bë nga vetë organizatorët e Turkvision, të cilët më kontaktuan personalisht. Organizatorët e Turkvizyon janë frymezuar nga Eurovizion, për realizimin e këtij eventi muzikor. Vetëm se këtu marrin pjesë këngëtarë nga dy kontinente Evropa dhe Azia.

Kënga me të cilën do merrni pjesë cila është rryma e saj dhe kush e ka realizuar?

Kënga me të cilën do marrë pjesë është kënga ime me e re “Zjarr dhe Ajër”. Eshtë një këngë dance që ka edhe motive ballkanike brenda. Muzika dhe orkestrimi jane realizuar nga Sergio HD ndërsa tekstinga Gent Bejko.

Si ndiheni që do përfaqësoni ju Shqipërinë për herë të parë në këtë kompeticion?

Eshtë bukur por sigurisht edhe përgjegjësi e madhe. Mendoj që do të jetë një eksperiencë e bukur njohja me kolegët ndërkombëtar.

Festivali do të transmetohet live në RTSH për të gjithë shqiptarët që duan të ndjekin performancën e Xhoi Bejko në Turkvizyon.

Ekskluzive IMA / G. Qerimi

REKLAMA
loading...

KOMENTO

This site uses Akismet to reduce spam. Learn how your comment data is processed.