Pas suksesit të edicionit të parë rikthehet YFSF 2 në ekranin e Tv Klan.
Spektakli ku artistët shqiptar shëndërrohen në yjet e muzikës botërore dhe jo vetem, në pamje dhe interpretim, ka filluar përgatitjet për edicionin e dytë.
Edhe këtë edicion do të jenë pjesëmarrës 7 personalitete të muzikës shqiptare që do performojnë çdo javë hitet e muzikës botërore dhe shqiptare.
Garë, emocione, interpretime live në një show ku nuk do të mungojë ritmet, ngjyrat, kostumografitë, kërcimet e trupës së baletit të TV Klan për të arritur në natën finale ku do të shpallet fituesi i edicionit të dytë falë pikëve të grumbulluara çdo javë me performancat e tij.
Your Face Sounds Familiar vjen sërisht në produksionin e Alketa Vejsiut dhe Vera Grabockës ndërsa skenografia dhe ndriçimi i është besuar bashkëpuntorëve të tyre besnik në të gjitha produksioneve në Klan, Gaetano Castelli, skenograf i famshëm në RAI dhe i festivaleve të Sanremos dhe Marcello Jazzeti, mjeshtër i ndriçimit në Sky Italia.
YFSF është një format i ideuar nga Endemol dhe ka nisur transmetimin në Spanjë në vitin 2011 dhe aktualisht realizohet në më shumë se 50 shtete ku vazhdon të jetë një nga programet më të ndjekura televizive. Nga viti i kaluar kjo patentë erdhi edhe në Shqipëri falë këmbënguljes së Alketa Vejsiut, Vera Grabockës dhe Televizionit Kombëtar Klan.
Your Face Sounds Familiar do të transmetohet për 14 javë çdo të hënë në orën 20:20, në ekranin e TV Klan gjatë muajit shkurt 2017. Ndërkaq, përsa i përket emrave Vip që do t’i bashkohen cast-it do duhet të presim muajt ditët në vazhdim.
EKSKLUZIVE IMAlbania.com | Nuk lejohet riprodhimi i lajmit pa autorizim ose pa përmendur burimin
