I ftuar në Open, autori i “Gjurmë Shqiptare” Marin Mema foli për të veçantën e vitit 2021. Sipas tij, zbulimi i një shpelle me eshtra njerëzore e kishte tronditur.
“Më erdhi një informacion, të cilin nuk e besova. U nisa jo fort i bindur, por më rezultoi e vërtetë. Në fillim nuk e besova, por pas verifikimit ishte e vërtetë. Pas emisionit të parë nisa hulumtime dhe me ekspertë dhe ishim të mendimit që mund të ishin eshtra të ndonjë masakre të komunizmit, me krime njerëzore, por nuk ishte kështu. U mendua që mund të ishin eshtra të betejave, por fshati nuk kishte histori. Më pas u gjykua se mund të ishin mbetje disa mijëra vjeçare, ndaj u kërkua edhe ndihma e ekspertëve të huaj”.
Kjo ishte për Marin Memën, më e veçanta e emisionit të tij, ndërsa shtoi përmes batutave me Eduart Manushin se kishte humbur betejën për të nis palestrën për shkak të kohës që i duhet për emisionin.
