Reality show-i i shumëpritur “Ferma VIP”, e njohur ndërkombëtarisht si “The Farm”, pritet të nisë së shpejti në ekranin e Vizion Plus, duke sfiduar personazhet e njohur shqiptare në një përvojë të veçantë fizike dhe psikologjike. Ky format, i krijuar nga Strix në Suedi, do të sjellë një përvojë të re për të famshmit që do të përballen me kushte jetese të ndryshme nga ato që kanë njohur më parë.
Ndërsa ende vazhdojnë punimet për përgatitjen e “fermës”, spekulimet rreth pjesëmarrësve kanë nisur të bëhen të dëgjura. Së fundmi, “Foli.al” ka raportuar se këngëtari i njohur dhe ish-banori i “BBVIP1”, Ardit Cuni, do të jetë banori i parë zyrtar i këtij reality show. Pas përvojave të tij të mëparshme në televizion dhe suksesit në “Dancing With The Stars”, Arditi duket se është i gatshëm për një sfidë të re, duke vazhduar paralelisht edhe me karrierën e tij në muzikë.
Fjoralba Ponari është përmendur si e mundur moderatore e programit, ndërsa aktorja Elgi Tako si një nga konkurentet potenciale, e cila mund të ndodhet në një situatë interesante nëse pjesë e show-it bëhet edhe ish-partneri i saj, Olsi Bylyku.
Në këtë edicion të parë të “Ferma VIP” në Shqipëri, që pritet të drejtohet nga Holta Dulaku, do të ketë shumë surpriza dhe sfida të reja për pjesëmarrësit. Audienca mbetet në pritje të mësuarjes së detajeve të tjera dhe zbulimit të pjesëmarrësve të tjerë që do të jenë pjesë e kësaj aventure të veçantë në ekran.