Në 12 qershor është nata finale e “MasterChef Albania Junior” në të cilën do të garojnë për fitore dy masterchef-at e vegjël, Roeli 11 vjeç dhe Denisa 13 vjeç. Vogëlushët u zgjodhën nga juria midis katër finalistëve natën e mbrëmshme.
Sipas gazetës “Express” Roeli dhe Denisa do të konkurojnë me një menu në tre raunde: antipastë, pjatë kryesore dhe embëlsirë. Fëmija i cili do të shpallet fitues i edicionit të parë të “MasterChef Albania Junior” do të marrë kupën e MCH, si dhe një udhëtim familjar në Disneyland.
Ndërkohë dhurata do të ketë edhe për fëmijët e tjerë pjesëmarrës në këtë program. “Master Chef Albania Junior” është një projekt që pëlqehet shumë nga fëmijët. Kjo shihet në faktin se ka interes të lartë për edicionin e dytë të këtij formati televiziv, aplikimet për të cilin janë hapur tashmë./revistawho.com
