Pas afro 2 muajsh “Më Lër të Flas” më në fund do të fillojë në ekranin e Top Channel. Edhe pse u aludua më parë se programi nuk do të fillonte kurrë, mesa duket vëllezërit Veshaj janë pajtuar përsëri me Top Channel që i dhuroi pikërisht këtë program dy personazheve pas pjesëmarrjes së Donaldit në Big Brother VIP.
Me një larmishmëri temash, të ftuar VIP, lojërash dhe performancash në studio, ‘Më lër të flas’ sjell alternativën më të mirë për të kaluar të premten mbrëma me të qeshura, energji dhe situata që nuk i keni parë në asnjë program televiziv. – thotë Top Channel ndërkohë që ka publikuar dhe datën e premierës, pikërisht në “Prime Time” në orën 21.00 duke filluar që nga data 29 Prill.
Programi parashikohej të nisej më herët, por Donaldi pasi doli në vendin e dytë në Big Brother hoqi menjëherë nga rrjetet sociale spotin promocional që nisi të shfaqej në Top Channel që pa mbaruar spektakli i reality show-t. Menjëherë pas këtij veprimi televizioni bëri të njejtën gjë deri pak javë më parë kur spoti i ri doli në transmetim.
Donaldi në “Vajza dhe Gra” e justifikoi “heshtjen” mjaft të përfolur se spoti kishte nevojë të ribëhej/IMA/
