Duke filluar nga e hëna e 25 prillit, INTV do të vijë me një programacion të ri, që i hap rrugën televizionit gjeneralist. Filma, Seriale për fëmijë dhe të rritur, filma dhe dokumentarë do të pasurojnë ofertën televizive që ofron deri tani INTV.
INTV prezanton programacionin e ri, nga 25 prilli seriale, filma, dokumentar për të gjithë familjen
Një pjesë të rëndesishme të programacionit e zënë serialet, të përzgjedhura për të gjithë familjen.
Popland
Serial për adoleshentë
Carla Vive është një vajzë 18 vjecare, e cila është rritur në një provincë. Natyra e saj rebele
dhe ambicioze e shtyn Carlën të largohet nga provinca duke lënë pas edhe marrëdhënien e
saj dashurore me Diegon për një jetë më të mirë drejt kryeqytetit. Karla është ndryshe nga
moshatarët e saj. Për ti shpëtuar monotonisë dhe mediokritetit ajo fillon një jetë të re si një
“paparazzi” për një nga blogjet më popullor të momentit, “Popland”. Karla jeton midis
shkëlqimit, të njerëzve të famshëm dhe skandalit. Por ajo shpejt do ta kuptojë se e gjitha kjo e ka një çmim nga pas, karriera e saj vihet në rrezik.
E hënë, e mërkurë, e premte – 17:00
THE GREENHOUSE
Serial për adoleshentë
Gati një vit pas vdekjes tragjike të nënës së tyre, Ela-Lee (Ela Li) dhe Alfie (Alfit) i është dhënë mundësia për tu bërë pjesë e shkollës ku nëna e tyre bënte pjesë. “The Greenhouse”, është një shkollë për të rinjtë e talentuar.Që në momentin e parë që bëhen pjesë e shkollës ato kuptojnë se aty ka shumë për të zbuluar rreth vdekjes së nënës së tyre, madje më shumë seç e prisnin.
E martë, e enjte – 17:00
Sam & Cat
Serial për adoleshentë
Sam (Sem)& Cat (Ket) dy shoqe shumë të ngushta aventuriere. Sem shpëton Ket nga një kosh mbeturinash, dhe pikerisht nga ai moment krejt I rastësishëm lind miqësia e ngushtë mes dy vajzave. Ato nisin të jetojnë së bashku e gjithashtu fillojnë punën si dado (babysitter), në mënyrë që të fitonin disa të ardhura. Sem është gjithmonë aty për Ket, dhe Ket gjithmonë i dhuron shumë dashuri Semit.
E shtunë, e dielë – 9:30
THE THUNDERMANS
Serial për adoleshentë
Njihuni me The Thundermans, një familje tipike e zonave rurale, por jo si të gjitha familjet e
tjera. Binjakët Phobie dhe Max, ndajnë të njëjtin ambient, të njëjtën shkollë madje të njëjtën
bezdisje kundrejt njëri-tjetrit. Ajo është një super studente që mezi pret të bëhet një super
heroinë, kurse vëllai i saj binjak nuk preferon ta përdorë superfuqinë e tij për mirë si e motra.
E shtunë, e dielë – 11:30
SEE DAD RUN
Serial për të gjithë
Pas një dekade në television aktori David Hoobs vendos të japë dorheqjen e kthehet në një
baba shtëpiak. Arsyeja! Bashkëshortja e tij dëshiron të rikthehet në karrierë. Shumë shpejt ai dhe tre fëmijët e tij e kuptojnë që të qënit baba në televizion është shumë më ndryshe nga jeta e përditshme. See Dad Run (Futja Vrapit Babi).
E shtunë – 14:30
#Kokrrat
Serial për të rritur
#Kokrrat është një sketch-comedy i cili tenton të vendosë në pah stereotipe të caktuara, duke i ekzaltuar ato, dhe njëkohësisht duke i shkatërruar ato nëpërmjet situatave komike,
paranoiake, absurde, të ekzagjëruara. Cdo episod zhvillohet rreth tre personazheve kryesor
të cilët në pamje të parë përfaqësojnë tre të rinj tipik në realitetin modern shqiptar.
Të përkëdhelur, ambiciozë, narcizistë, cinik, në një mënyrë sipërfaqësore. Të tre përballen me situata dhe probleme të përditëshme duke i jetuar ato me një buonsens fals, pas të cilit
fshihet një nevojë e fortë për të sulmuar pikërisht këtë buonsens. Megjithsë janë pjesë e një
kulture të caktuar urbane ata tentojnë të ironizojnë pikërisht këto elemente që përbëjnë këtë
kulturë të ndërtuar me mite false, modele sjelljesh të krijuara nga mediat, teknologjine e
rrjeteve sociale dhe të gjitha vlerat që bëjnë një të ri shqiptar të jetë trendy.
E premte – 18:30
TUFF Puppy
Serial për fëmijë
Ky serial me kartona për fëmijë është vërtet special dhe edukativ.Në qytetin më të rrezikshëm të botës, një luftëtar i ri i krimit është gati për sulm. Emri i tij është Dudli Papi. Ka një nuhatje të pa gabueshme, është gjithmonë i uritur, por ka stil.
Ndihmuar nga agjentja Kiti Katsuell ai sfidon të keqen.
E shtunë, e dielë – 8:30
