Edhe pse jemi në mesin e sezonit veror përgatitjet për disa nga programet që do të çelin sezonin e ri televiziv duke filluar nga muaji shtaror duket se kanë filluar që tani.
Njëri prej spektakleve që pritet me padurim nga publiku është Dance with Me, i cili këtë vit vjen me edicionin e tretë në drejtimin e regjizores Vera Grabocka dhe prezantueses Alketa Vejsiu. Dhe si çdo vit kureshtja e publikut është e përqëndruar tek personazhet e njohur që do t’i bashkohen formatit. Pasi u zbulua emri i parë zyrtar i këtij edicioni, prezantuesja e INTV Einxhel Shkira, një tjetër personazh mjaft i dashur për teleshikuesin është konfirmuar në cast-in e Dance with Me 3. Është fjala për shefin e njohur Renato Mekolli, i cili do të jetë një nga konkurrentët e spektaklit.
Portali Opinion.al e ka fotografuar shefin e njohur teksa hyn në palestrën e “Dance with Me” i veshur sportiv gati për të nisur provat.
Në fakt pjesëmarrja e Renato Mekollit në këtë format nuk përbën ndonjë lajmë sensacional. Edhe vitin e kaluar ai ka marrë një ftesë nga organizatorët për të qenë në cast. Për më tepë IMA javë më parë raportoi lajmin se Mekolli do ishte pjesë e DWM 3 edhe pse ai vetë nuk pranoi tê prononcohej por as nuk e mohoi pjesëmarrjen.
Lexo edhe ‘Renato Mekolli në “Dance With Me 3”?!‘
Nuk na mbetet gje tjetër veçse ti urojmë suksese shefit i cili padyshim nuk do të na zhgënjej me karakterin dhe humorin e tij!
