Digitalb do të transmetojë La Liga dhe për 5 sezone të ardhshme, teksa disa ditë më parë qarkulloi lajmi se TV Klan do të transmetonte këtë kampionat përmes kanaleve të dedikuara të Sportit.
Lajmin e ka dhënë platforma Digitalb përmes SuperSport i cili ka njoftuar se ndeshjet e kampionatit spanjoll do të përcillen përmes platformës.
SuperSport sipas njoftimit të dhënë do të transmetojë ndeshjet për 5 vitet e ardhshme, deri në 2026.
Të drejtat televizive të sportit ditët e fundit kanë marë lajme dinamike për shkak të ardhjes në treg të një platforme tjetër sportive “OverSport” që do të transmetohen në kanalet e TIBO TV. OverSport ka siguruar kampionatin Serie A i cili fillon transmetimin që nga 21 Gushti përmes kanaleve të dedikuara dhe me komentim në gjuhën shqipe.
Ndërkaq, konkurenca në treg për të drejtat e transmetimeve të sportit po rritet teksa operatorë televizivë sportivë po futen në garë për të drejtat e transmetimit.
Disa ditë më parë, TIBO njoftoi lancimin e kanaleve të reja ndërkohë që Digitalb njoftoi klientët për shkëputjen e kontratës me këtë IPTV. Sidoqoftë, transmetimet e kanaleve të Digitalb ngelen për abonentët deri në 2022.
