Ndërsa të gjithë po bëhemi gati të presim spektaklin risi të Televizionit Klan, “Your Face Sounds Familiar”, i cili edhe pse ishte premtuar që do të startonte në fundin e muajit Shkurt, punimet me skenografinë kanë patur vonesa duke e zhvendosur për në muajin Mars.
Pas zbulimit ekskluziv që ju bëmë të ditur si konkurent Vedat Ademi, tashmë në formatin e ri të Vera Grabockës dhe Alketa Vejsiut, do të jenë edhe dy këngëtare të tjëra. InfoMedia Albania, ka arritur të zbulojë se pjesë e emisionit më të shumëpritur të momentit do të jenë këngëtaret Era Rusi dhe Adelina Tahiri, të cilat do i shtohen cast-it të konkurentëve duke lënë në mister ende 2 artistët e tjerë të cilët do të jenë pjesë e këtij talent show.
Deri më tani emrat e zbuluar janë: Rozana Radi, Vedat Ademi, Kastro Zizo dhe së fundmi Era Rusi me Adelina Tahirin.
Por mister nuk mbeten vetëm konkurentët, por edhe juria e cila sipas burimeve tona do të përbëhet nga përsonazhe të botës së muzikës.
EKSKLUZIVE e InfoMedia Albania // Justin Kasaj | Ndalohet rreptësisht riprodhimi dhe kopjimi i këtij materiali nga çdo media pa autorizim nga redaksia.
