Largimi i disa prej emrave më të hershëm të spektaklit të humorit ‘Portokalli’ ka ndezur debate të shumta në lidhje me shkaqet që i çuan ata drejt këtij vendimi. Ndër të vetmit që reagoi publikisht ishte aktori Julian Deda, i cili nëpërmjet një statusi në Facebook bëri fajtor për këtë çështje, regjisorin Altin Basha.
Jul Deda pas kaq vitesh shfryn për regjisorin e “Portokalli”, Altin Basha. Ja se çfarë ka thënë ai!
Sakaq vetë Basha u është përgjigjur akuzave të tij mëngjesin e së martës, pasi ishte i ftuar në emisionin ‘Wake Up’. Duke u shprehur se nuk kishte dëshirë t’i përgjigjej kujtdo ‘që e ka ende kokën mbrapa nga koha kur ishte i suksesshëm’, regjisori deklaroi: ‘Fakti që këta individë janë larguar, nuk do të thotë se janë larguar të gjithë për të njëjtën arsye. Nga aigrup aktorësh që përmenden aty, rasti nuk i ngjan rastit. Dikush ka dashur të ndjekë karrierën jashtë Shqipërisë, dikush ka dashur të studiojë, dikush e ka parë veten si një individ të zot për të bërë një emision më vete dhe sigurisht ka edhe individë që janë larguar për probleme të disiplinës dhe të keqmenaxhimit të raportit të tyre me emisionin.’
Altin Basha gjithashtu u shpreh se pavarësisht këtyre largimeve, ‘Portokallia’ vijon të jetë e suksesshme. ‘Ka diçka që është përtej këtyre individëve dhe njerëzit e kuptojnë se ky është një emision i themeluar mbi disa struktura dhe themele të forta që mbajnë gjallë pasionin dhe krijimtarinë. Këtu e quaj të mbyllur bisedën e raportit tim me emisionin. Përsa kohë emisioni është në këtë nivel, aty është edhe kontributi im. Të gjitha diskutimet e tjera të portaleve dhe të njerëzve që kanë probleme të identitetit artistik, për mua janë të parëndësishme në momentin kur publiku e do dhe e ndjek ‘Portokallinë’ me të njëjtin intensitet që e ka ndjekur 10 vite më parë.’-u shpreh Basha.
‘Përpjekja për ta përmbledhur të gjithë këtë historinë e largimeve tek emri im, është problem personal, gati-gati patologjik. Po unë do ta toleroj se nuk merrem me individë që lehin rrugëve, as nëpër portale.’-tha regjisori i ‘Portokalli’.
