Sipas të dhënave të Universitetit Johns Hopkins, numri i të infektuarve me COVID-19 të konfirmuara në të gjithë botën, ka arritur në 20 milionë.
Duke marrë parasysh kufizimet në testet mjekësore në disa shtete si edhe faktin se rreth 40 % e pacientëve janë asimptomatikë, zyrtarët e shëndetsisë besojnë se numri aktual është shumë më i lartë.
Drejtori Ekzekutiv për emergjencat në Organizatën Botërore të SHëndetësisë, Dr. Michael Ryan u shpreh se pandemia nuk po shfaq shenja të rënies së shkallës të perhapjes, dhe si pasojë duke hequr disa prej masave kufizuese apo parandaluese virusi mund të rikthehet.
Qëkur numri i të infektuarve në botë kapi shifrën 15 milion në 22 korrik, Shtetet e Bashkuara të Amerikës, India dhe Brazili përbëjnë rreth dy të tretat e të prekurve .
Gjatë dy javëve të fundit Shtetet e Bashkuara kanë shënuar një numër rekord të infektuarish , ndërsa India regjistron më shumë se 50,000 raste cdo ditë. Pavarsisht faktit se India renditet e pesta për numrin e vdekejve, vazhdon te lehtësojë masat e kufizimeve publike.
Presidenti Brazilian Jair Bolsonaro tha gjatë muajit që shkoi, se pacientët e prekur nga ky virus në vendin e tij, po trajtoheshin me medikamentin (Hidroksiklorokine) mjekim i përdorur kundër malaries. Por OBSH deklaroi se ky ilaç nuk është efektiv për ta luftuar këtë sëmundje.
