Është publikuar videoklipi i këngës së Anna Gjebreas, vajzës së kantautorit dhe prezantuesit Ardit Gjebreas, e cila do të përfaqësojnë Shqipërinë në Festivalin Europian të Këngës për Fëmijë.
Kënga me titull “Stand by you”, është pëlqyer shumë dhe përcjell një mesazh të fuqishëm në luftën ndaj bullizimit.
Anna Gjebrea është shpallur fituese e Festivalit të Fëmijëve në RTSH.
Në lidhje me këtë arritje të së bijës ka reaguar dhe vetë moderatori Gjebrea, i cili pak ditë më parë ka shpërndarë në Instagram një postim të Anës, e cila shihet teksa mban çmimin fitues të festivalit në dorë dhe ku thekson se do përpiqet të japë më të mirën në kompeticionin europian.
“Nuk mund ta shpjegoj me të vërtetë se çfarë ndjeva kur emri im u shpall fitues i Junior Fest në Shqipëri sonte. Unë jam me të vërtetë e lumtur që do të përfaqësoj vendin tim në Junior Eurovision Song Contest 2021 dhe do të bëj çmos! Faleminderit Zotit! Faleminderit RTSH për këtë mundësi”, shkruan ajo.
https://youtu.be/0kJkmkADrSU
