Të dielën e kaluar në ekranin e Tv Klan nisi transmetimi i serialit H.O.T, pjesë e të cilit janë bërë aktorë të njohur shqiptarë, që nga Kastriot Çaushi, Monika Lubonja, Inis Gjoni, Jonida Vokshi, Anais Lika, Amos Zaharia, Irgen Çela, Klea Huta e shumë të tjerë.
Së fundmi Ermal Mamaqi së bashku me disa nga aktorët e serialit ka qenë i ftuar në “Zonë e lirë”, ku folën dhe treguan detaje nga filmi.
Teksa u hap biseda për pagesën e aktorëve, Ermali si fillim nguroi të zbulonte shifrën, por pasi “mori” edhe konfirmimin e kolegëve të tij, vendosi që ta zbulonte: “Kanë marrë më shumë se 7 mijë euro…”
Ndërkohë më tej Ermali theksoi se pagesa nuk ka qenë e njëjtë për të gjithë edhe për shkak të hapësirës që ka pasur secili në film, por më pak se 7 mijë euro nuk është shpërblyer askush prej aktorëve të njohur.
