Dua të të bëj të Lumtur | Humbi nënën në adoleshencë, vajza falënderon “nënat” heroina

Personazhi i radhës këtë mbrëmje në programin “Dua të të bëj të lumtur” ishte Denisa, vajza 18-vjeçare nga Peza. Ajo solli historinë e dhimbshme të jetës së saj, që në adoleshencë kishte humbur nënën. Dashuria dhe përkujdesja e nuses së dajës dhe njerkës, e kishin lehtësuar dhimbjen që Denisa ndjente.

Nëna e Denisës, Lulja ishte diagnostifikuar me një sëmundje të rrallë në tru, që i kishte kushtuar jetën. Nusja e dajës së Denisës, Mbarimja ishte kujdesur për fëmijët e Lules që nga fëmijëria.

Kur Lulja kishte ndërruar jetë, Mbarimja dhe Mimoza ishin bërë nënë e dytë, duke u përkujdesur dhe duke u dhënë dashurinë që i mungonte fëmijëve.
Denisa kishte ardhur në programin “Dua të të bëj të lumtur” për të falënderuar dy njerëzit më të rëndësishëm në jetën e saj.

“Mbarime ti u bërë nënë e dytë për mua, që në fëmijëri e deri tani. Je kujdesur për ne gjatë gjithë kësaj kohe, madje solle në jetën tonë dhe Mimozën, nënën tjetër. Ju dua shumë dhe ju falënderoj për gjithçka!”,- ishte mesazhi që Denisa u dha “nënave” të saj.

REKLAMA
loading...

KOMENTO

This site uses Akismet to reduce spam. Learn how your comment data is processed.