Masat mbrojtëse në Angli janë të mjaftueshme. Këtë gjë e kanë bërë të ditur disa ekspertë në autoritetet shëndetësore të Anglisë. Patrick Vallance dhe Neil Ferguson kanë deklaruar për shkak të uljeve të rasteve ditë pas ditë masat në vend janë të pranueshme dhe se këto kufizime të vendosura e kanë treguar që janë të mjaftueshme.
“Unë mendoj se ajo që dimë tani, të cilën nuk e dinim disa javë më parë, a do të ishin të mjaftueshme këto lloj kufizimesh për ta vendosur këtë virus nën kontroll me variantin e ri? Dhe përgjigjja është po, duket sikur është, dhe gjërat të paktën rrafshohen në disa vende, jo kudo,” tha Vallance.
Ndërsa Ferguson tha se në disa rajonë të Londrës kërkesët për shtrim në spital janë rrafshuar por është ende herët që të dalësh në përfundime nëse po rastet po bjen. Ndërkohë që në disa zona të tjera ai tha se numri i rasteve po rriten por në nivel kombëtar ritmi i rritjes është i ngadaltë.
l
“Duket sikur në Londër në veçanti dhe disa rajone të tjera në Jug-Lindjen dhe Lindjen e Anglisë, pranimet në spitale mund të jenë edhe të rrafshuara, megjithëse është e vështirë të thuash nëse po bien. Duhet thënë që kjo nuk shihet kudo pasi numri i rasteve ashtu edhe pranimet në spitale po rriten në shumë zona të tjera, por përgjithësisht në një nivel kombëtar ne po shohim ritmin e rritjes së ngadaltë,” tha Ferguson.
Anglia momentalisht është në bllokim të plotë. Këto masa i ka marrë Kryeministri Boris Johnson në mënyrë që të parandalojë përhapjen e Covid-19 dhe të mutacionit të tij.
