Fundi i partneritetit midis sipërmarrësit Koço Kokdhima dhe botuesit të Shqiptarja.com Carlo Bollino që kanali televiziv që zotëronin A1 Report të “shkrihej” për t’i dhënë jetë kanalit të ri të këtij të fundit Report Tv dhe rikthimin në treg të A1TV në pronësi të ish deputetit socialist.
Pas një periudhe ritransmetimesh të programeve të vjetra A1TV nisi fazën e rikonceptimit, audicionet për gazetarv të rinjë dhe ftesat për të qenë pjesë e ekranit të ri vazhdojnë edhe sot. Disa emra të njohur të medias u përfolën si figura të reja të televizionit. Vetëm një muaj më parë Bujar Kokonozi, ish drejtor artistik në Top Channel i’u bashkua kanalit të ri që tashmë është riemëruar dhe paraqet edhe brand-in e ri.
Televizioni i ri i Koço Kokdhimës do të jetë një kanal all news dhe prezantohet me një emër e brand të ri, A1 News Channel. Transmetimi pritet të nis së shpejti sikurse lajmëron bumper-i që ka filluar të jepet këto ditë.
