Sot, ABC ka njoftuar se do të rikthehet si një kanal informativ. Kjo është ajo që mund të jetë kuptuar nga spoti i ri që ka nisur të transmetohet në ekran dhe rrjetet sociale.
Pas dy vitesh përpjekje për tu vendosur në rradhën e kanaleve gjeneralist duke konkuruar fuqishëm me formate të suksesshme që lanë gjurmë në historinë e televizionit shqiptar, kjo etapë do të mbyllet për ABC. Ky ndryshim në programacion vjen pas një periudhe të vështirë për kanalin, që pas blerjes nga Devolli Group, pati shkarkime masive të stafit dhe mbyllje të emisioneve javore. Për shkak të mungesës së shikueshmërisë së synuar, planet e televizionit si kanal gjeneral nuk u realizuan siç ishte menduar.
Devolli Group, pronari i ri i kanalit, ka deklaruar se ky rikthim si një kanal informativ është një hap i rëndësishëm në strategjinë e tyre për të ofruar një gamë të gjerë të programimit për shikuesit e tyre. Ata kanë premtuar se do të investojnë në teknologji të re dhe në personelin e ri për të siguruar që lajmet të jenë të sakta dhe të shpejta.
Kz lajmërim ka ngritur shumë pyetje tek publiku për arsyet e dështimit të kanalit si kanal gjeneral dhe synimet e Devolli Group për të ardhmen e kanalit. Publiku pritet të shikojë me kureshtje se si do të zhvillohet ky ndryshim dhe cilat do të jenë rezultatet e tij.
