Sikurse ju treguam ditë më parë Aida Shtino do të riktheht në ekran pas një pushimi të gjatë me një program të ri.
Me arkivimin e “Njerëz të Humbur” nuk ka përfunduar misioni Aidës në kërkimin e njerzëve dhe përcjellja e emocioneve nëpërmjet televizionit. Emisioni i ri “Për ju”, që do të transmetohet në Ora News do të ketë në fokus njohjen me njerëz të suksesshëm, shqiptarët që kanë bërë emër në vende të ndryshëm të botës.
“Emisioni ka në qendër të tij shqiptarë të suksesshëm anekënd botës, do të jetë në kërkim të atyre që na bëjnë të ndihemi krenarë dhe do t`i gjurmojmë pikërisht në vendet ku ata aktualisht jetojnë” është shprehur Shtino për revistën Shije.
Emisioni do të përmbajë disa mesazhe sensibilizimi dhe do të shërbejë si model për brezat e rinj të sjellë nga shqiptarët për vetë bashkëkombasit e tyre.
“Për Ju” me Aida Shtinon do të trasmetohet të premteve në ekranin e Ora News dhe pritet të ketë një audiencë të lartë.